Historia Ecclesiastica
Evagrius, Scholasticus
Evagrius, Scholasticus. The Ecclesiastical History of Evagrius with the Scholia. Bidez, Joseph; Parmentier, Leon, editors. London: Methuen, 1898.
Ἐγκαθιστῶσι δὲ μετ̓ αὐτὸν βασιλέα Χοσρόην [*](Joh. Epiph. FHG iv 272 Simoc. iv 7-11 Theophan. 265) τὸν τούτου παῖδα, καθ̓ οὗ Βάραμος ἐπιστρατεύει μετὰ τῶν ἀμφ̓ αὐτόν. Ὧιπερ ὑπαντιάζει μὲν ὁ Χοσρόης μετά
Πέμπει δὲ καὶ πᾶσαν βασιλικὴν δορυφορίαν καὶ [*](Niceph. xviii 20 Simoc. iv 12) πάντα τὸν Ῥωμαίων στρατὸν σὺν καὶ τῷ στρατηγῷ, ἑψόμενον αὐτῷ ὅπη καὶ βούλεται, καὶ πρὸς μείζονος τιμῆς [*](Ibid. 14 Theophan. 266) Δομετιανὸν ἐπίσκοπον Μελιτινῆς, αὐτοῦ συγγενῆ, ἄνδραφρενήρη καὶ ἀγχίνουν, λόγῳ τε καὶ ἔργῳ ἐς τὰ μάλιστα ἱκανώτατον, καὶ πρὸς τὰ μέγιστα τῶν πραγμάτων ἐξεργαστικώτατον. Πέμπει δὲ καὶ Γρηγόριον, ὃς ἐν ἅπασι κατέπληξε τὸν Χοσρόην, ὁμιλῶν, δωρούμενος, ἐπίκαιρα τοῖς πράγμασιν ἐσηγούμενος.
Παραγενόμενος δὲ μέχρι τῆς Ἱεραπολιτῶν ὁ [*](Niceph. xviii 20 Simoc. iv 14 v 11 Joh. Nikiu c. 96 p. 527) Χοσρόης, ἣ τῆς Εὐφρατησίας προκάθηται, αὖθις ἐπανῆκε, τοῦτο καὶ Μαυρικίου συνεωρακότος καὶ τὸ πλέον δόντος τῆς οἰκείας δόξης τῷ συνοίσοντι τῷ ἱκέτῃ. Δεξιοῦται δὲ καὶ χρήμασι μεγάλοις, οὐχ ἱστορηθὲν πώποτε. ΚαὶΠέρσας στρατολογήσας καὶ τὰς ἐπιδόσεις ἁπάσας οἴκοθεν ποιησάμενος, ἐκπέμπει τὸν Χοσρόην μεθ̓ ἑκατέρου στρατοῦ Ῥωμαίων τε καὶ Περσῶν κατὰ τὴν ὑπερορίαν, Μαρτυροπόλεως καὶ Σίττα παραδοθέντος αὐτῷ: ὃς καὶ πρὸς τῶν Μαρτυροπολιτῶν καταλευσθεὶς ἀνεσκολοπίσθη. Παρεδόθη
Τότε καὶ Γολιανδοὺχ μάρτυς ζῶσα παῤ ἡμῖν ἦν, [*](Niceph. xviii 25 Simoc. v 12 Joh. Nikiu c. 96 p.526)ἡ διὰ πολλῶν μὲν πόνων τὸ μαρτύριον διενέγκασα, τῶν μάγων Περσῶν αὐτὴν αἰκιζομένων, μεγάλων δὲ τεραστίων ἐργάτις γενομένη: ἧς τὸν βίον ἀνέγραψε Στέφανος ὁ πρότερος ἐπίσκοπος τῆς Ἱεραπολιτῶν.