Dionysiaca
Nonnus of Panopolis
Nonnus of Panopolis. Dionysiaca, Vol. 1-3. Rouse, W.H.D., editor. London: W. Heinemann Ltd.; Cambridge, MA, 1940-1942.
- οὓς γενέτης Ἥφαιστος ἀμιμήτῳ κάμε τέχνῃ
- πυρσὸν ἀπειλητῆρα διαπνείοντας ὸδόντων,
- οἷα καὶ Αἰήτῃ, βριαοῷ σημάντορι Κόλχων,
- χαλκοπόδων μόρφωσε συνωρίδα δίζυγα ταύρων,
- τεύχων χερμὰ λέπαδνα καὶ ἔμπυρον ἱστοβοῆα.
- Εὐρυμέδωυ μέν ἔλαυνε, πυριβλήτῳ δέ χαλινῷ
- ἔμπυρον ἡνιόχευε σιδηροπόδων γένυν ἵππων·
- χειρὶ δὲ Λήμνιον ἔγχος, ὅ περ κάμε πάτριος ἄκμων,
- δεξιτερῇ κούφιζεν, ἐπʼ εὐφυέεσσι δὲ μηροῖς
- φάσγανον ᾐώρησε σελασφόρον· εἰ δέ τις ἀνήρ,
- ἀκροτάτοις ὀνύχεσσι λίθον τινὰ βαιὸν ἀείρας
- θηγαλέης ἤρασσε πυρίδρομα νῶτα μαχαίρης,
- αὐτόματοι σπινθῆρες ὀιστεύοντο σιδήρου.
- Ἄηκων δʼ αἰθαλόεντι συνήρμοσε χεῖρα βελέμνῳ,
- πατπῴης Ἑκάτης θιασώδεα πυρσὸν ἑλίσσων.
- καὶ σάλαρον σείοντες ἀερσιλόφου τρυσφαλείης
- Δικταῖοι Κορύβαντες ἐπεστρατόωντο κυδοιμῷ,
- εἰς μόθον οἰστρηθέντες· ἁμιλλητῇρι δὲ χαλκῷ
- φάσγανα τυπτομένῃσιν ἐπέκτυπε γυμνὰ βοείαις
- σκαρθμοῖς ἀντιτύποισι· φερεσσακέος δὲ χορείης