Christus Patiens [Dub.] (Fort. Auctore Constantino Manasse)
Gregory, of Nazianzus
Gregorius Nazianzenus, Christus Patiens, Brambs, Teubner, 1885
- οὔπω χρόνον παλαιὸν εἰσεδέρκετο.
- Τί χρῆμα πάσχεις; τῷ τρόπῳ διόλλυσαι,
- Τέκνον ; πυθέσθαι βούλομαι σέθεν πάρα.
- Ἡ γὰρ ποθοῦσα καρδία πάντ᾿ εἰδέναι
- κἀν τοῖς κακοῖσι λίχνος οὖσ’ ἁλίσκεται.
- Ἑ ἒ ἒ ἒ
- Τάδε ξυνῳδὰ τοῖς προηγορευμένοις;
- Αἲ αἴ· τί δράσω; καρδία γὰρ οἴχεται.
- Γυναῖκες, ὄψιν οὐχ ὁρῶ φαιδρὰν τέκνου·
- χροιὰν γὰρ ἠλλάξατο καὶ κάλλος ξένον,
- δεινὸν θέαμα· καὶ φόβος νεκροῦ θίγειν ·
- διδάσκαλον φέρω γὰρ ἀστέρων πάθος,
- γῆς γεῖσσα σαλευθέντα, ῥαγείσας πέτρας.
- χωρεῖτε χωρεῖτ’ · οὐκέτ᾿ εἰμὶ προσβλέπειν
- οἵα πρὸς αὐτὸν, ἀλλὰ νικῶμαι πόνοις.
- Καὶ ξυνιῶ μὲν, οἷα ταῦτ᾿ ἔσται τάχει,
- λύπη δὲ κρείσσων καὶ βεβαίας ἐλπίδος.
- Παῖ Παντáνακτος, πῶς ἐς ᾄδου νῦν δόμους
- οἴχῃ μόρων ἕκητι τῶν πρωτοσπόρων;
- αἴφνης δ’ ἀπέπτης, ὡς μεθεὶς ἑκουσίως