Job
Septuaginta
Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.
- θαῦμα ἔσχεν ἀληθινοὺς ἐπὶ τούτῳ·
- δίκαιος δὲ ἐπὶ παρανόμῳ ἐπανασταίη·
- σχοίη δὲ πιστὸς τὴν ἑαυτοῦ ὁδόν,
- καθαρὸς δὲ χεῖρας ἀναλάβοι θάρσος.
- οὐ μὴν δὲ ἀλλὰ πάντες ἐρείδετε, καὶ δεῦτε δή.
- οὐ γὰρ εὑρίσκω ἐν ὑμῖν ἀληθές.
- αἱ ἡμέραι μου παρῆλθον ἐν βρόμῳ,
- ἐρράγη δὲ τὰ ἄρθρα τῆς καρδίας μου·
- νύκτα εἰς ἡμέραν ἔθηκα,
- φῶς ἐγγὺς ἀπὸ προσώπου σκότους.
- ἐὰν γὰρ ὑπομείνω, ᾔδης μου ὁ οἶκος.
- ἐν δὲ γνόφῳ ἔστρωταί μου ἡ στρωμνή.
- θάνατον ἐπεκαλεσάμην πατέρα μου εἶναι,
- μητέρα δέ μου καὶ ἀδελφὴν σαπρίαν.
- ποῦ οὖν μου ἔτι ἐστὶν ἡ ἐλπίς
- ἤ τὰ ἀγαθά μου ὄψομαι
- ἤ μετʼ ἐμοῦ εἰς ᾄδην καταβήσονται.
- ἤ ὁμοθυμαδὸν ἐπὶ χώματος καταβησόμεθα;
- ῾Υπολαβὼν δὲ Βαλδὰδ ὁ Σαυχίτης λέγει
552
[*](Β)- Μέχρι τίνος οὐ παύσῃ;
- ἐπίσχες, ἴνα καὶ αὐτοὶ λαλήσωμεν.
- διὰ τί ὥσπερ τετράποδα σεσιωπήκαμεν ἐναντίον σου;
- κέχρηταί σοι ὀργή.
- τί γάρ; ἐὰν σὺ ἀποθάνῃς, ἀοίκητος ἡ ὑπʼ οὐρανόν;
- ἢ καταστραφήσεται ὄρη ἐκ θεμελίων
- καὶ φῶς ἀσεβῶν σβεσθήσεται,
- καὶ οὐκ ἀποβήσεται αὐτῶν ἡ φλόξ.
- τὸ φῶς αὐτοῦ σκότος ἐν διαίτῃ,
- ὁ δὲ λύχνος αὐτῷ σβεσθήσεται.
- θηρεύσαισαν ἐλάχιστοι τὰ ὑπάρχοντα αὐτοῦ,
- σφάλαι δὲ αὐτοῦ ἡ βουλή.
- ἐμβέβληται δὲ ὁ ποὺς αὐτοῦ ἐν παγίδι.
- ἐν δικτύῳ ἑλιχθείη.
- ἒλθοισαν δὲ ἐπʼ αὐτὸν παγίδες.¶
- κατισχύσει ἐπʼ αὐτὸν διψῶντας.
- κέκρυπται ἐν τῇ γῇ σχοινίον αὐτοῦ,
- καὶ ἡ σύλλημψις αὐτοῦ ἐπὶ τρίβων.
- κύκλῳ ὀλέσαισαν αὐτὸν ὀδύναι·
- πολλοὶ δὲ περὶ πόδα αὐτοῦ ἔλθοισαν ἐν λιμῷ στενῷ,