Proverbia
Septuaginta
Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.
- ὁ δὲ σκληροκάρδιος οὐ συναντᾷ ἀγαθοῖς.
- ἀνὴρ εὐμετάβολος γλώσσῃ ἐμπεσεῖται εἰς κακά,
- καρδία δὲ ἄφρονος ὀδύνη τῷ κεκτημένῳ αὐτήν.
- οὐκ εὐφραίνεται πατὴρ ἐπὶ υἱῷ ἀπαιδεύτῳ,
- υἱὸς δὲ φρόνιμος εὐφραίνει μητέρα αὐτοῦ.
- καρδία εὐφραινομένη εὐεκτεῖν ποιεῖ,
- ἀνδρὸς δὲ λυπηροῦ ξηραίνεται τὰ ὀστᾶ.
- λαμβάνοντος δῶρα ἐν κόλποις ἀδίκως οὐ κατευοδοῦνται ὁδοί,
- ἀσεβὴς δὲ ἐκκλίνει ὁδοὺς δικαιοσύνης.
- πρόσωπον συνετὸν ἀνδρὸς σοφοῦ,
- οἱ δὲ ὀφθαλμοὶ τοῦ ἄφρονος ἐπʼ ἄκρα γῆς.
- ὀργὴ πατρί ἐστιν υἱὸς ἄφρων,
- καὶ ὀδύνη τῇ τεκούσῃ αὐτοῦ.
- ζημιοῦν ἄνδρα δίκαιον οὐ καλόν,
- οὐδὲ ὅσιον ἐπιβουλεύειν δυνάσταις δικαίοις.
- ὃς φείδεται ῥῆμα προελέσθαι σκληρὸν ἐπιγνώμων,
- μακρόθυμος δὲ ἀνὴρ φρόνιμος.
- ἀνοήτῳ ἐπερωτήσαντι σοφίαν σοφία λογισθήσεται,
- ἐνεὸν δέ τις ἑαυτὸν ποιήσας δόξει φρόνιμος εἶναι.
- οὐ χρείαν ἔχει σοφίας ἐνδεὴς φρενῶν,
- μᾶλλον γὰρ ἄγεται ἀφροσύνῃ.
451
- ὅταν ἔλθῃ ἀσεβὴς εἰς βάθος κακῶν, καταφρονεῖ, [*](B)
- ἐπέρχεται δὲ αὐτῷ ἀτιμία καὶ ὄνειδος.
- ὕδωρ βαθὺ λόγος ἐν καρδίᾳ ἀνδρός,
- ποταμὸς δὲ ἀναπηδύει καὶ πηγὴ ζωῆς.
- θαυμάσαι πρόσωπον ἀσεβοῦς οὐ καλόν,
- οὐδὲ ὅσιον ἐκκλίνειν τὸ δίκαιον ἐν κρίσει.
- χείλη ἄφρονος ἄγουσιν αὐτὸν εἰς κακά,
- τὸ δὲ στόμα αὐτοῦ τὸ θρασὺ θάνατον ἐπικαλεῖται.
- στόμα ἄφρονος συντριβὴ αὐτῷ,
- τὰ δὲ χείλη αὐτοῦ παγὶς τῇ ψυχῇ αὐτοῦ.
- ὀκνηροὺς καταβάλλει φόβος,
- ψυχαὶ δὲ ἀνδρογύνων πεινάσουσιν.
- ὁ μὴ ἰώμενος αὐτὸν ἐν τοῖς ἔργοις αὐτοῦ
- ἀδελφός ἐστιν τοῦ λυμαινομένου ἑαυτόν.
- ἐκ μεγαλωσύνης ἰσχύος ὄνομα Κυρίου,
- αὐτῷ δὲ προσδραμόντες δίκαιοι ὑψοῦνται.
- ὕπαρξις πλουσίου ἀνδρὸς πόλις ὀχυρά,
- §ἡ δὲ δόξα αὐτῆς μέγα ἐπισκιάζει.