Psalmi

Septuaginta

Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.

  • μεγαλύνατε τὸν κύριον σὺν ἐμοί,
  • καὶ ὑψώσωμεν τὸ ὄνομα αὐτοῦ ἐπὶ τὸ αὐτό.

  • ἐξεζήτησα τὸν κύριον, καὶ ἐπήκουσέν μου
  • καὶ ἐκ πασῶν τῶν παροικιῶν μου ἐρύσατό με.

  • προσέλθατε πρὸς αὐτὸν καὶ φωτίσθητε,
  • καὶ τὰ πρόσωπα ὑμῶν οὐ μὴ καταισχυνθῇ.

  • οὗτος ὁ πτωχὸς ἐκέκραξεν, καὶ ὁ κύριος εἰσήκουσεν αὐτοῦ
  • καὶ ἐκ πασῶν τῶν θλίψεων αὐτοῦ ἔσωσεν αὐτόν.

  • παρεμβαλεῖ ἄγγελος Κυρίου κύκλῳ τῶν φοβουμένων αὐτὸν καὶ
  • ῥύσεται αὐτούς.

  • γεύσασθε καὶ ἴδετε ὅτι χρηστὸς ὁ κύριος·
  • μακάριος ἀνὴρ ὃς ἐλπίζει ἐπʼ αὐτόν.

  • φοβήθητε τὸν κύριον πάντες οἱ ἅγιοι αὐτοῦ,
  • ὅτι οὐκ ἔστιν ὑστέρημα τοῖς φοβουμένοις αὐτόν.

  • πλούσιοι ἐπτώχευσαν καὶ ἐπείνασαν,
  • οἱ δὲ ἐκζητοῦντες τὸν κύριον οὐκ ἐλαττωθήσονται παντὸς
  • ἀγαθοῦ. διάψαλμα.

  • δεῦτε, τέκνα, ἀκούσατέ μου,
  • φόβον Κυρίου διδάξω ὑμᾶς.

  • τίς ἐστιν ἄνθρωπος ὁ θέλων ζωήν,
  • ἀγαπῶν ἰδεῖν ἡμέρας ἀγαθάς

  • παῦσον τὴν γλῶσσάν σου ἀπὸ κακοῦ,
  • καὶ χείλη τοῦ μὴ λαλῆσαι δόλον·

  • ἔκκλινον ἀπὸ κακοῦ καὶ ποίησον ἀγαθόν,
  • ζήτησον εἰρήνην καὶ δίωξον αὐτήν.

  • ὅτι ὀφθαλμοὶ Κυρίου ἐπὶ δικαίους.
  • καὶ ὦτα αὐτοῦ εἰς δέησιν αὐτῶν·

    • [*](3 επαινεθησεται BᵇU+05D0c.a R* U (επεναιθ.) 4 εμου U | υψωσομεν A U+05D0ARU [υ]ψωσατε U 5 εξεζητησα] pr εγω U | παροικιων] θλιψεων U+05D0c.aA (θλι- ψαιων) R | ερρυσατο Bᵇ(vid)U+05D0ARU (ερ[ρυ]σ.) 6 προσηλθατε U 7 αυ- | του 1° BU+05D0c.aAU] ουτων U+05D0* R | εσωσεν] ερρυσατο 8 αγγελος Κυριου] αγγ. αυτου A ο αγγ. Κ. U+05D0c.a (om BU+05D0c.b) ο αγγ. του Κ. R | αυτους] αυτον A 9 γευσατε R* (γευσασθε Rᵃ) | ος ελπιζει] ο ελπιζων R* ος ηλπιζε... U 10 om παντες U+05D0*c.ᵇ (hab U+05D0c. ᵃ) U | αγιοι] οσιοι R 11 om διαψαλμα A* (hab Aᵃ ᵐg) 13 αγαπων] pr και U | ημερας ιδειν U+05D0A (ημ. ειδειν) 14 χειλη (λη sup ras Rᵃ)] + σου U+05D0c.aAR τα χ. σου U | λαλησει R 16 om οτι U+05D0c.aAR] | οφθαλμοι] pr οι U | ωτα] pr τα RU | δεησιν] pr την U)
    254
    [*](B)

  • πρόσωπον δὲ Κυρίου ἐπὶ ποιοῦντας κακά,
  • τοῦ ἐξολεθρεῦσαι ἐκ γῆς τὸ μνημόσυνον αὐτῶν.

  • ἐκέκραξαν οἱ δίκαιοι, καὶ ὁ κύριος εἰσήκουσεν αὐτῶν
  • καὶ ἐκ πασῶν τῶν θλίψεων αὐτῶν ἐρύσατο αὐτοὺς.

  • ἐγγὺς Κύριος τοῖς συντετριμμένοις τὴν καρδίαν,
  • καὶ τοὺς ταπεινοὺς τῷ πνεύματι σώκεο.

  • πολλαὶ αἱ θλίψεις τῶν δικαίων,
  • καὶ ἐκ πασῶν αὐτῶν ῥύσεται αὐτοὺς.

  • Κύριος φυλάσσει πάντα τὰ ὀστᾶ αὐτῶν,
  • ἐν ἐξ αὐτῶν οὐ συντριβήσεται.

  • θάνατος ἁμαρτωλῶν πονηρός,
  • καὶ οἱ μισοῦντες τὸν δίκαιον πλημμελήσουσιν.

  • λυτρώσεται Κύριος ψυχὰς δούλων αὐτοῦ,
  • καὶ οὐ μὴ πλημμελήσουσιν πάντες οἱ ἐλπίζοντες ἐπʼ αὐτόν.