Epinicians
Bacchylides
Bacchylides. The Poems and Fragments. Jebb, Richard C., editor. Cambridge: Cambridge University Press, 1905.
- Ἄργος ἥρωες περικλειτοὶ λιπόντες.
- ἔνθεν ἀπεσσύμεναι
- Προίτου κυανοπλόκαμοι
- φεῦγον ἄδματοι θύγατρες,
- τὸν δʼ εἷλεν ἄχος κραδίαν, ξεί-
- να τέ νιν πλᾶξεν μέριμνα·
- δοίαξε δὲ φάσγανον ἄμ-
- φακες ἐν στέρνοισι πᾶξαι.
- ἀλλά νιν αἰχμοφόροι
- μύθοισί τε μειλιχίοις
- καὶ βίᾳ χειρῶν κάτεχον.
- τρισκαίδεκα μὲν τελέους
- μῆνας κατὰ δάσκιον ἠλύκταζον ὕλαν
- φεῦγόν τε κατʼ Ἀρκαδίαν
- μηλοτρόφον· ἀλλʼ ὅτε δὴ
- Λοῦσον ποτὶ καλλιρόαν πατὴρ ἵκανεν,
- ἔνθεν χρόα νιψάμενος φοι-
- νικο[κραδέμνοι]ο Λατοῦς
- κίκλ[ῃσκε θύγατρα] βοῶπιν, [*](Column 22)
- χεῖρας ἀντείνων πρὸς αὐγὰς