Geographiae informatio

A Cercina in insulam Meningem, Lotophagitis regionis, traiectus stadiorum 600, quantum etiam Syrtis minoris ostium dicitur. Meninx vero longa est stadia 600, lata 180. Circa hanc magnae reciprocationes contingunt.

Cephallenia insula habet quatuor urbes, longitudinem stadiorum 400. Sunt quoque in Adriatico mari insulae propter oram Illyrici, quarum insigniores sunt Issa, et Corcyra Nigra, Pharus dein et Melita, quarum dimensiones non habeo compertas.