Geographiae informatio
Agathemerus
Agathemerus, creator; Hoffmann, Samuel Friedrich Wilhelm (1803-1872), editor.
Europae autem ab ostiis Tanais fluvii ad columnas Herculis
Euxinus vero Pontus ambitur stadiis 23083. Thracius Bosporus, angustiae, quas Darius ponte iunxit subitario aggredians Scythas, stadiorum sex.
Mare Persicum, quod est valde rotundum, ostium suum contrahens promontorio Carmaniae et Arabiae, habet circuitum stadiorum 20000. Ostium vero ipsum inter Arabiam et Carmaniam patet stadia 400.
Hyrcanum vero, quod et Caspium mare, lunato flexu sinuatum, et ut aliis placet, oblongum, extenditur in stadia 22000; ostium vero traiicitur stadiis quatuor.
Arabicus sinus, qui est angustus et oblongus, initium capit ab Heroum oppido, praeterit oram Troglodyticam, usque ad oppidum Ptolemaïdem ad venationes; habet stadiorum 9000 longitudinem.