Prometheus Bound

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. δακρυσίστακτα[*](δακρυσίστακτα Minckwitz: δακρυσίστακτον codd.) δ᾽ ἀπ᾽ ὄσσων
  2. ῥαδινῶν λειβομένα ῥέος παρειὰν
  3. νοτίοις ἔτεγξα παγαῖς:
  4. ἀμέγαρτα γὰρ τάδε Ζεὺς
  5. ἰδίοις νόμοις κρατύνων
  6. ὑπερήφανον[*](ὑπερήφανος, ν supra scr., M) θεοῖς τοῖς
  7. πάρος ἐνδείκνυσιν[*](ἐνδείκνυσιν recc.: ἐνδεικνύειν M) αἰχμάν.
Χορός
  1. πρόπασα δ᾽ ἤδη στονόεν λέλακε χώρα,
  2. μεγαλοσχήμονά τ᾽ ἀρχαι-
  3. οπρεπῆ.... στένουσι τὰν σὰν[*](lacuna varie suppleta: περθομέναν Dindorf: δυρόμενοι Fritzsche: θ᾽ ἑσπέριοι Wecklein: nihil certum)
  4. συνομαιμόνων τε τιμάν,
  5. ὁπόσοι τ᾽ ἔποικον ἁγνᾶς
  6. Ἀσίας ἕδος νέμονται,
  7. μεγαλοστόνοισι σοῖς πή-
  8. μασι συγκάμνουσι θνατοί.
Χορός
  1. Κολχίδος τε γᾶς ἔνοικοι
  2. παρθένοι, μάχας ἄτρεστοι,
  3. καὶ Σκύθης ὅμιλος, οἳ γᾶς
  4. ἔσχατον τόπον ἀμφὶ Μαι-
  5. ῶτιν ἔχουσι λίμναν,