Prometheus Bound
Aeschylus
Aeschyli Tragoediae. Sidgwick, Arthur, editor. Oxford: Clarendon Press, 1902.
- ὀργῆς νοσούσης εἰσὶν ἰατροὶ λόγοι;
- ἐάν τις ἐν καιρῷ γε μαλθάσσῃ κέαρ
- καὶ μὴ σφριγῶντα θυμὸν ἰσχναίνῃ[*](ἰσχναίνῃ recc.: ἰσχναίει (ν postea inserto in ἰσχναίνει mutatum M) βίᾳ.
- ἐν τῷ προθυμεῖσθαι δὲ καὶ τολμᾶν τίνα
- ὁρᾷς ἐνοῦσαν ζημίαν; δίδασκέ με.
- μόχθον περισσὸν κουφόνουν τ᾽ εὐηθίαν.
- ἔα με τῇδε τῇ νόσῳ νοσεῖν, ἐπεὶ
- κέρδιστον εὖ φρονοῦντα μὴ φρονεῖν δοκεῖν.
- ἐμὸν δοκήσει τἀμπλάκημ᾽ εἶναι τόδε.
- σαφῶς μ᾽ ἐς οἶκον σὸς λόγος στέλλει πάλιν.
- μὴ γάρ σε θρῆνος οὑμὸς εἰς ἔχθραν βάλῃ.
- ἦ τῷ νέον θακοῦντι παγκρατεῖς ἕδρας;
- τούτου φυλάσσου μή ποτ᾽ ἀχθεσθῇ κέαρ.
- ἡ σή, Προμηθεῦ, συμφορὰ διδάσκαλος.
- στέλλου, κομίζου, σῷζε τὸν παρόντα νοῦν.
- ὁρμωμένῳ μοι τόνδ᾽ ἐθώυξας λόγον.
- λευρὸν γὰρ οἶμον αἰθέρος ψαίρει πτεροῖς
- τετρασκελὴς οἰωνός: ἄσμενος δέ τἂν[*](δέ τἂν Blomfield: δ᾽ ἔτ᾽ ἂν M)
- σταθμοῖς ἐν οἰκείοισι κάμψειεν γόνυ.
- στένω σε τᾶς οὐλομένας τύχας, Προμηθεῦ: