Cynegetica
Oppian of Apamea
Oppian of Apamea. Cynegetica. Mair, A. W., editor. London, William Heinemann, Ltd.; New York: G.P. Putnam's Sons. 1928.
- αὐτίκα γὰρ σκύλακάς τε καὶ ἀνέρας ἀθρήσαντες
- πρὸς λόφον ἰθύνουσιν· ἐπεὶ μάλα γιγνώσκουσιν,
- ὅττι πάροιθεν ἔασιν ὀλιζότεροι πόδες αὐτοῖς.
- τοὔνεκα ῥηΐδιοι πτώκεσσι πέλουσι κολῶναι,
- ῥηΐδιοι πτώκεσσι, δυσάντεες ἱππελάτῃσι.
- ναὶ μὴν ἀτραπιτοῖο πολυστιβίην ἀλεείνειν
- καὶ πάτον, ἐν δʼ ἄρα τῇσι γεωμορίῃσιν ἐλαύνειν·
- κουφότεροι γὰρ ἔασι τρίβῳ καὶ ποσσὶν ἐλαφροὶ
- ῥεῖά τʼ ἐπιθρώσκουσιν· ἀρηρομένῃ δʼ ἐνὶ γαίῃ
- καὶ θέρεος βαρύθουσι πόδες καὶ χείματος ὥρῃ
- ἄχρις ἐπισφυρίων ὀλοὴν κρηπῖδα φέρουσιν.
- ἤν ποτʼ ἐλῇς δόρκον δέ, φυλάσσεο μὴ μετὰ πολλὸν
- ἐκτάδιον δολιχόν τε δρόμον καί τέρμα πόνοιο