Ecclesiazusae

Aristophanes

Aristophanes. Aristophanis Comoediae, Vol. 2. Hall, F. W. and Geldart, William M., editors. Oxford: Clarendon Press, 1907.

  1. δείξει τάχʼ αὐτός, ὡς ἔγωγʼ ἀπέρχομαι.
Γραῦς Α
  1. κἄγωγʼ, ἵνα γνῷς ὡς πολύ σου μεῖζον φρονῶ.
Νεανίας
  1. εἴθʼ ἐξῆν παρὰ τῇ νέᾳ καθεύδειν,
  2. καὶ μὴ δʼει πρότερον διασποδῆσαι
  3. ἀνάσιμον ἢ πρεσβυτέραν·
  4. οὐ γὰρ ἀνασχετὸν τοῦτό γʼ ἐλευθέρῳ.
Γραῦς Α
  1. οἰμώζων ἄρα νὴ Δία σποδήσεις.
  2. οὐ γὰρ τἀπὶ Χαριξένης τάδʼ ἐστίν.
  3. κατὰ τὸν νόμον ταῦτα ποιεῖν
  4. ἔστι δίκαιον, εἰ δημοκρατούμεθα.
Γραῦς Α
  1. ἀλλʼ εἶμι τηρήσουσʼ ὅ τι καὶ δράσει ποτέ.
Νεανίας
  1. εἴθʼ ὦ θεοὶ λάβοιμι τὴν καλὴν μόνην,
  2. ἐφʼ ἣν πεπωκὼς ἔρχομαι πάλαι ποθῶν.
Νεᾶνις
  1. ἐξηπάτησα τὸ κατάρατον γρᾴδιον·
  2. φρούδη γάρ ἐστιν οἰομένη μʼ ἔνδον μένειν.
  3. ἀλλʼ οὑτοσὶ γὰρ αὐτὸς οὗ ʼμεμνήμεθα.
Νεᾶνις
  1. δεῦρο δὴ δεῦρο δή,
  2. φίλον ἐμόν, δεῦρό μοι
  3. πρόσελθε καὶ ξύνευνος
  4. τὴν εὐφρόνην ὅπως ἔσει.