Deipnosophistae
Athenaeus of Naucratis
Athenaeus. Athenaei Naucratitae Dipnosophistarum Libri XV (3 volumes). Kaibel, Georg, editor. Leipzig: Teubner, 1887-1892.
κατὰ τὸν κωμῳδιοποιὸν Κηφισόδωρον (I 802 K), ἑταῖρε Τιμόκρατες. συναχθέντων γὰρ ἡμῶν καθ᾽ ὥραν μετὰ σπουδῆς διὰ τὰ ἐκπώματα ὁ Οὐλπιανός, ἔτι καθημένων ἁπάντων, πρὶν καί τι διαλεχθῆναι ἔφη· ‘παρὰ μὲν τῷ Ἀδράστῳ, ἄνδρες φίλοι, καθίσαντες οἱ ἀριστεῖς δειπνοῦσιν, ὁ δὲ Πολύιδος ἱερὰ θύων ἐν ὁδῷ παραπορευόμενον τὸν Πετεὼ κατέσχεν καὶ κατακλίνας ἐν τῇ πόᾳ θαλλίαν τε κατακλάσας ἀντὶ τραπέζης παρέθηκε τῶν τυθέντων. καὶ τῷ Αὐτολύκῳ ἐλθόντι ‘Ἰθάκης ἐς πίονα δῆμον’ ἡ τροφὸς καθημένῳ δηλονότι — οὕτως γὰρ ἐδείπνουν οἱ τότε — τὸν Ὀδυσσέα, φησὶν ὁ ποιητής (Od. 19.399),
- Ἄγε δή, τίς ἀρχὴ τῶν λόγων γενήσεται;
ἐκάθισεν ἐπὶ τῶν γονάτων καὶ οὐχὶ παρὰ τοῖς γόνασιν ἔστησεν. ἡμεῖς οὖν μὴ διατρίβωμεν, ἀλλ’ ἤδη κατακλινώμεθα, ἵν’ ἡμῖν ὁ Πλούταρχος περὶ ὧν ἐπαγγέλλεται ποτηρίων ἀποδοὺς τὸν λόγον καὶ τὰς κύλικας πλήρεις
- [παῖδα νέον γεγαῶτα κιχήσατο θυγατέρος ἧς,
- τόν ῥά οἱ Εὐρύκλεια φίλοις ἐπὶ γούνασι θῆκε
- παυομένῳ δόρποιο]
ποτήρια δὲ πρῶτον οἶδα ὀνομάσαντα τὸν Ἀμόργιον ποιητὴν Σιμωνίδην ἐν Ἰάμβοις οὕτως (fr. 26 B)·
καὶ ὁ τὴν Ἀλκμαιωνίδα δὲ ποιήσας φησίν (p. 76 Ki)·
- ἀπὸ τράπεζαν εἷλέ νιν ποτήρια.
ἅπερ ὠνομάσθη ἀπὸ τῆς πόσεως, ὡς τὸ ἔκπωμα οἱ Ἀττικοί, ἐπεὶ ὑδροποτεῖν καὶ οἰνοποτεῖν λέγουσιν. Ἀριστοφάνης ἐν Ἱππεῦσιν (198)·
- νέκυς δὲ χαμαιστρώτου ἐπὶ τείνας
- εὐρείης στιβάδος παρέθηκ’ αὐτοῖσι θάλειαν
- δαῖτα ποτήριά τε, στεφάνους δ’ ἐπὶ κρασὶν ἔθηκεν.
κἀν τῷ αὐτῷ δὲ ἔφη (124)·
- γαμφηλαῖσι δράκοντα κοάλεμον αἱματοπώτην.
καὶ Φερεκράτης ἐν Τυραννίδι (I 187 fr. 143, 10 K)·
- πολλῷ γ’ ὁ Βάκις διεχρῆτο τῷ ποτηρίῳ.
ὁ δὲ Ἀνακρέων ἔφη (fr. 97 B4)·
- ἣ δὲ κρείττων ἡ μί’ ἐστὶ χιλίων ποτηρίων.
ἔστι δὲ τὸ ῥῆμα καὶ παρὰ τῷ ποιητῇ· οἰνοποτάζων γὰρ εἴρηκε (Il. 20.84). καὶ Σαπφὼ δ’ ἐν τῷ βʹ ἔφη (fr. 67)·
- οἰνοπότης δὲ πεποίημαι.
καὶ Ἀλκαῖος (fr. 52)·
- πολλὰ δ’ ἀνάριθμα ποτήρια
- καλαιφις.
τιμᾶται δὲ καὶ ἐν Ἀχαίᾳ Δημήτηρ ποτηριοφόρος κατὰ τὴν Ἀνθέων χῶραν, ὡς Αὐτοκράτης ἱστορεῖ ἐν βʹ Ἀχαικῶν (FHG IV 346).
- ἐκ δὲ ποτήριον
- πώνης Διννομένῃ παρίσδων.
v.3.p.3
ἄξιον δὲ εἶναι νομίζω ζητῆσαι ὑμᾶς πρὸ τοῦ καταλόγου τῶν ποτηρίων, ὧν πλῆρές ἐστι τὸ κυλικεῖον τοδί — εἴρηται γὰρ οὕτως ἡ τῶν ποτηρίων σκευοθήκη παρ’ Ἀριστοφάνει μὲν ἐν Γεωργοῖς (I 418 K)·
ἔστι καὶ παρὰ Ἀναξανδρίδῃ ἐν Μελιλώτῳ (II 145 K). Εὔβουλος δ’ ἐν Λήδᾳ (ib. 185)·
- ὥσπερ κυλικείου τοὐθόνιον προπέπταται.
κἀν Ψαλτρίᾳ δ’ ἔφη (ib. 206)·
- ὡσπερεὶ σπονδὴν διδοὺς
- ἐν τῷ κυλικείῳ συντέτριφε τὰ ποτήρια.
ἐν δὲ Σεμέλῃ ἢ Διονύσῳ (ib. 197)·
- τὰ κυλικεῖα δὲ
- ἐξεῦρεν ἡμῖν.
Κρατῖνος δ’ ὁ νεώτερος ἐν Χείρωνι (ib. 291)·
- Ἑρμῆς ὁ Μαίας λίθινος, ὃν προσεύγμασιν
- ἐν τῷ κυλικείῳ λαμπρὸν ἐκτετριμμένον ...
- πολλοστῷ δ’ ἔτει
- ἐκ τῶν πολεμίων οἴκαδ’ ἥκω, συγγενεῖς
- καὶ φράτερας καὶ δημότας εὑρὼν μόλις
- εἰς τὸ κυλικεῖον ἐνεγράφην· Ζεὺς ἔστι μοι
- ἑρκεῖος, ἔστι φρατέριος, τὰ τέλη τελῶ —
ἄξιον δ’ ἐστὶ ζητῆσαι εἰ οἱ ἀρχαῖοι μεγάλοις ἔπινον ποτηρίοις. Δικαίαρχος μὲν γὰρ ὁ Μεσσήνιος, ὁ Ἀριστοτέλους μαθητής, ἐν τῷ περὶ Ἀλκαίου (FHG II 247) μικροῖς φησιν αὐτοὺς ἐκπώμασι κεχρῆσθαι καὶ
Νέστωρ δ’ ὁ γέρων ἀμογητὶ ἄειρεIl. 11.637, περὶ οὗ καὶ αὐτοῦ διδάξει τι ἡμᾶς ὁ Πλούταρχος. ὥρα οὖν κατακλίνεσθαι.
καὶ κατακλιθέντων ‘ἀλλὰ μήν’, ὁ Πλούταρχος ἔφη, ‘κατὰ τὸν Φλιάσιον ποιητὴν Πρατίναν (fr. 3 B4).
κυλικηγορήσων ἔρχομαι, οὐ τῶν Κυλικράνων εἷς ὑπάρχων, οὓς χλευάζων Ἕρμιππος ὁ κωμῳδιοποιὸς ἐν τοῖς Ἰάμβοις φησίν (I 246 K)·
- οὐ γᾶν αὐλακισμέναν ἀρῶν, ἀλλ’ ἄσκαφον ματεύων,
Ἡρακλεῶται δ’ εἰσὶν οὗτοι οἱ ὑπὸ τῇ Οἴτῃ κατοικοῦντες, ὥς φησι Νίκανδρος ὁ Θυατειρηνός, ὀνομασθῆναι φάσκων αὐτοὺς ἀπό τινος Κύλικος γένος Λυδοῦ, ἑνὸς τῶν Ἡρακλεῖ συστρατευσαμένων. μνημονεύει δ’ αὐτῶν καὶ Σκυθῖνος ὁ Τήιος ἐν τῇ ἐπιγραφομένῃ Ἱστορίῃ λέγων οὕτως (FHG IV 491)· ‘Ἡρακλῆς λαβὼν Εὔρυτον καὶ τὸν υἱὸν ἔκτεινε φόρους πρήσσοντας παρ’ Εὐβοέων.
- εἰς τὸ Κυλικράνων βαδίζων σπληνόπεδον ἀφικόμην·
- εἶδον οὖν τὴν Ἡράκλειαν καὶ μάλ’ ὡραίαν πόλιν.
οἶδα δὲ καὶ Ἑλλάνικον ἐν Ἐθνῶν Ὀνομασίαις λέγοντα (FHG I 57) ὅτι Λιβύων τῶν Νομάδων τινὲς οὐδὲν ἄλλο κέκτηνται ἢ κύλικα καὶ μάχαιραν καὶ ὑδρίαν, καὶ ὅτι οἰκίας ἔχουσιν ἐξ ἀνθερίκου πεποιημένας μικρὰς ὅσον σκιᾶς ἕνεκα, ἃς καὶ περιφέρουσιν ὅπου ἂν πορεύωνται. πολλοῖς δὲ καὶ ὁ ἐν Ἰλλυριοῖς τόπος διαβόητός ἐστιν ὁ καλούμενος Κύλικες, παρ’ ᾧ ἐστι τὸ Κάδμου καὶ Ἁρμονίας μνημεῖον, ὡς ἱστορεῖ Φύλαρχος ἐν τῇ δευτέρᾳ καὶ εἰκοστῇ τῶν Ἱστοριῶν (FHG I 345). καὶ Πολέμων δ’ ἐν τῷ περὶ τοῦ Μορύχου (fr. 75 Pr) ἐν Συρακούσαις φησὶν ἐπ’ ἄκρᾳ τῇ νήσῳ πρὸς τῷ Γῆς Ὀλυμπίας ἱερῷ ἐκτὸς τοῦ τείχους ἐσχάραν τινὰ εἶναι, ἀφ’ ἧς, φησί, τὴν κύλικα ναυστολοῦσιν ἀναπλέοντες μέχρι τοῦ γενέσθαι τὴν ἐπὶ τοῦ νεὼ τῆς Ἀθηνᾶς ἀόρατον ἀσπίδα· καὶ
ὁρῶν οὖν ὑμῶν καὶ αὐτὸς τὸ συμπόσιον κατὰ τὸν Κολοφώνιον Ξενοφάνη πλῆρες ὂν πάσης θυμηδίας (fr. 1 B4)·
- νῦν γὰρ δὴ ζάπεδον καθαρὸν καὶ χεῖρες ἁπάντων
- καὶ κύλικες· πλεκτοὺς δ’ ἀμφιτιθεῖ στεφάνους,
- ἄλλος δ’ εὐῶδες μύρον ἐν φιάλῃ παρατείνει·
- κρατὴρ δ’ ἕστηκεν μεστὸς ἐυφροσύνης·
- ἄλλος δ’ οἶνος ἕτοιμος, ὃς οὔποτέ φησι προδώσειν,
- μείλιχος ἐν κεράμοις, ἄνθεος ὀσδόμενος·
- ἐν δὲ μέσοις ἁγνὴν ὀδμὴν λιβανωτὸς ἵησι·
- ψυχρὸν δ’ ἐστὶν ὕδωρ καὶ γλυκὺ καὶ καθαρόν.
- πάρκεινται δ’ ἄρτοι ξανθοὶ γεραρή τε τράπεζα
- τυροῦ καὶ μέλιτος πίονος ἀχθομένη·
- βωμὸς δ’ ἄνθεσιν ἀν τὸ μέσον πάντῃ πεπύκασται,
- μολπὴ δ’ ἀμφὶς ἔχει δώματα καὶ θαλίη.
- χρὴ δὲ πρῶτον μὲν θεὸν ὑμνεῖν εὔφρονας ἄνδρας
- εὐφήμοις μύθοις καὶ καθαροῖσι λόγοις·
- σπείσαντας δὲ καὶ εὐξαμένους τὰ δίκαια δύνασθαι
- πρήσσειν (ταῦτα γὰρ ὦν ἐστι προχειρότερον)
- οὐχ ὕβρις πίνειν ὁπόσον κεν ἔχων ἀφίκοιο
- οἴκαδ’ ἄνευ προπόλου, μὴ πάνυ γηραλέος.
v.3.p.8- ἀνδρῶν δ’ αἰνεῖν τοῦτον ὃς ἐσθλὰ πιὼν ἀναφαίνῃ,
- ὡς οἱ μνημοσύνη, καὶ τὸν ὃς ἀμφ’ ἀρετῆς.
- οὔτι μάχας διέπειν Τιτήνων οὐδὲ Γιγάντων
- οὐδέ τι Κενταύρων, πλάσματα τῶν προτέρων,
- ἢ στάσιας σφεδανάς, τοῖς οὐδὲν χρηστὸν ἔνεστι,
- θεῶν δὲ προμηθείην αἰὲν ἔχειν ἀγαθόν.
καὶ Ἴων δὲ ὁ Χῖός φησιν (fr. 2 B)·
- καὶ ὁ χαρίεις δ’ Ἀνακρέων φησίν (fr. 94 B4)·
- οὐ φιλέω ὃς κρητῆρι παρὰ πλέῳ οἰνοποτάζων
- νείκεα καὶ πόλεμον δακρυόεντα λέγῃ,
- ἀλλ’ ὅστις Μουσέων τε καὶ ἀγλαὰ δῶρ’ Ἀφροδίτης
- συμμίσγων ἐρατῆς μνήσεται εὐφροσύνης.
ἐποιοῦντο δὲ καὶ οἱ ἑπτὰ καλούμενοι σοφοὶ συμποτικὰς
- χαιρέτω ἡμέτερος βασιλεύς, σωτήρ τε πατήρ τε·
- ἡμῖν δὲ κρητῆρ’ οἰνοχόοι θέραπες
- κιρνάντων προχύταισιν ἐν ἀργυρέοις· ὁ δὲ χρυσὸς
- οἶνον ἔχων χειρῶν νιζέτω εἰς ἔδαφος.
- σπένδοντες δ’ ἁγνῶς Ἡρακλέι τ’ Ἀλκμήνῃ τε,
- Προκλέι Περσείδαις τ᾽, ἐκ Διὸς ἀρχόμενοι,
- πίνωμεν, παίζωμεν, ἴτω διὰ νυκτὸς ἀοιδή,
- ὀρχείσθω τις, ἑκὼν δ’ ἄρχε φιλοφροσύνης.
- ὅντινα δ’ εὐειδὴς μίμνει θήλεια πάρευνος,
- κεῖνος τῶν ἄλλων κυδρότερον πίεται.
διόπερ συνιοῦσι καὶ ἡμῖν ἐπὶ τὰς Διονυσιακὰς ταύτας λαλιὰς οὐδεὶς ἂν εὐλόγως φθονήσαι νοῦν ἔχων, κατὰ τοὺς Ἀλέξιδος Ταραντίνους (II 377 K),
καὶ κατὰ τὴν καλὴν οὖν Σαπφώ (fr. 5 B4)·
- οἳ τῶν πέλας
- οὐδέν’ ἀδικοῦμεν οὐδέν. ἆρ’ οὐκ οἶσθ᾽ ὅτι
- τὸ καλούμενον ζῆν τοῦτο διατριβῆς χάριν
- μόνον ἐστὶν ὑποκόρισμα τῆς ἀνθρωπίνης
- μοίρας; ἐγὼ γάρ, εἰ μὲν εὖ τις ἢ κακῶς
- φήσει με κρίνειν, οὐκ ἔχοιμ’ ἄν σοι φράσαι·
- ἔγνωκα γοῦν οὕτως ἐπισκοπούμενος
- εἶναι μανιώδη πάντα τἀνθρώπων ὅλως,
- ἀποδημίας δὲ τυγχάνειν ἡμᾶς αἰεὶ
- τοὺς ζῶντας, ὥσπερ εἰς πανήγυρίν τινα
- ἀφειμένους ἐκ τοῦ θανάτου καὶ τοῦ σκότους
- εἰς τὴν διατριβὴν εἰς τὸ φῶς τε τοῦθ᾽, ὃ δὴ
- ὁρῶμεν. ὃς δ’ ἂν πλεῖστα γελάσῃ καὶ πίῃ
- καὶ τῆς Ἀφροδίτης ἀντιλάβηται τὸν χρόνον
- τοῦτον ὃν ἀφεῖται, κἂν τύχῃ γ᾽, ἐράνου τινός,
- πανηγυρίσας ἥδιστ’ ἀπῆλθεν οἴκαδε.
τούτοις τοῖς ἑταίροις ἐμοῖς τε καὶ σοῖς.
- ἐλθέ, Κύπρι,
- χρυσίαισιν ἐν κυλίκεσσιν ἁβρῶς
v.3.p.10- συμμεμιγμένον θαλίαισι νέκταρ
- οἰνοχοοῦσα