History of the Peloponnesian War

Postea vero Syracusani et socii murum exstrueir coeperunt, initio ab urbe facto, eum per Epipolas sursum versus ducentes ad transversum simplicem murum, ui Athenienses, si eos impedire non possent, circumvallandi facultatem non amplius haberent.

Atque jam et Athenienses muro ad mare absoluto in loca superiora ascenderant, et Gylippus (erat enim quaedam illius muri ab Atheniensibus exstrucli pars infirma) noctu copiis assumptis ad illam contendebat.

Athenienses vero (nam extra vallum stationem habebant) quum boc sensissent, obviam ei prodibant; ille vero, quum hoc animadvertisset, celeriter suos reduxit. Athenienses autem boc muro sublimius excitato, ipsi quidem hic excubias agebant, reliquos vero socios in reliquis illius munitionis partibus ubi quique excubias agerent, jam disposuerunt.

Niciae vero videbatur muniendus esse locus, quem Plemyrium vocant; est autem promontorium e regione urbis, quod in magnum portum prominens ejus fauces coarctat, quod si munitum esset, commeatum in castra facilius importatum iri judicabat; breviore enim intervallo se prope Syracusanorum portum stationem habituros, neque, quemadmodum tunc, ex angulo portus subvectiones facturos, si quid illi classe molirentur. Quamobrem animum ad

Copiis igitur et navibus eo traductis tria propugnacula exstruebat; et in his pleraque instrumenta reposita erant, et magna navigia navesque veloces illic in statione jam manebant.