History of the Peloponnesian War

Et postea Demosthenes io Zacynthum profectus et in Cephalleniam, et illinc gravis armaturae milites assumpsit, et Messenios Naupacto arcessivit, atque in oppositam Acarnaniae continentem trajecit, et Alyziam et Anactorium, quod ipsi Athenienses tenebant

Versanti autem ei circa haec loca occurrit Eurymedon, ex Sicilia remeans, qui hieme, ut praedixi, cum pecunia, quam ad exercitum ferebat, missus erat, et nuntiat quum reliqua, tum etiam, se jam in ipso navigationis cursu audisse Plemyrium a Syracusanis receptum.

Praeterea advenit etiam Cono ad eos, qui Naupacto praeerat, nuntians, quinque illas et viginti Corinthiorum naves, quae in statione sibi opposita stabant, neque bello desistere et proelium navale commissuras esse; quare eos naves ad se mittere jubebat, quod suae duodeviginti impares essent ad confligendum cum hostium quinque j et viginti navibus.

Demosthenes igitur et Eurymedon decem velocissimas ex iis, quas ipsi habebant, cum Conone miserunt ad illas, quae Naupacti erant; ipsi vero m copiis cogendis versabantur; atque Eurymedon quidem in Corcyram profectus jussit ipsos instruere quindecim naves, et gravis armaturae milites legebat (jam enim una cum Demoslltene imperium gerebat reversus, quemadmodum etiam delectus erat), Demosthenes vero ex locis, quae circum Acarnaniam erant, funditores et jaculatores cogebat.

At Syracusanorum legati, qui, ut praedixi, post Plemyrium expugnatum civitates adierant, quum quod petebant, iis persuasissent, et copias, qnas collegerant, Syracusas essent ducturi, Nicias, quum rem praesensisset, mittit^d illos Siculos, qui transitum tenebant et sibi socii erant, Centoripas et Alicyaeos et alios, ne hostibus iter praebeant sed congregati prohibeant; alia enim via eos transire ne conaturos quidem; Agrigentini enim iter iis per suum agrum non dabant.

Quum autem Sicilienses jani in via essent, Siculi, quemadmodum ab Atheniensibus orabantur, [Iribus in locis] insidiae collocarunt, et illos incau tos et ex improviso aggressi ad octingentos fermt occiderunt, omnesque legatos, praeter unum Corinthium; hic vero eos, qui elapsi sunt, ad mille et quingentos Syracusas deduxit.