Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- per quem splendor, honos, laus, sapientia,
- maiestas, bonitas et pietas tua
- regnum continuat numine triplici,
- texens perpetuis saecula saeculis.
- Ades, Pater supreme,
- quem nemo vidit umquam,
- patrisque Sermo Christe,
- et Spiritus benigne,
- o Trinitatis huius
- vis una, lumen unum,1
- deus ex Deo perennis,
- deus ex utroque missus.
- fluxit labor diei,
- redit et quietis hora,
- blandus sopor vicissim
- fessos relaxat artus.
- mens aestuans procellis,
- curisque sauciata,
- totis bibit medullis
- obliviale poclum.