Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. serpit per omne corpus
  2. Lethaea vis, nec ullum
  3. miseris doloris aegri
  4. patitur manere sensum.
  5. lex haec data est caducis
  6. deo iubente membris,
    7. p.50
  7. ut temperet laborem
  8. medicabilis voluptas,
  9. sed dum pererrat omnes
  10. quies amica venas
  11. pectusque feriatum
  12. placat rigante somno,
  13. liber vagat per auras
  14. rapido vigore sensus,
  15. variasque per figuras
  16. quae sunt operta cernit;
  17. quia mens soluta curis,
  18. cui est origo caelum
  19. purusque fons ab aethra,
  20. iners iacere nescit.