Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- et spatiis amplas et culminibus sublimes
- et recauis alte laquearibus ambitiosas
- inriguas et aquis et porticibus redimitas,
- undique ubique simul, quodcumque per ista beati
- nomine Felicis colitur celebratur habetur,
- omnibus in spatiis domus est mea. nec locus ullus
- aedibus illius coniunctus et insitus extat,
- qui mihi non quasi res pateat mea. sed quid in isto
- munere me iactem, si rem Felicis amati
- uisibili lapidum tecto uernaculus hospes
- possideam? quanto plus est mihi, quod mihi Felix
- ipse dei dono domus est, in quo mea uiuam
- uita domum nullis lapsuram possidet annis?
- nam quod Felicis domus et mea sit domus, ipso
- permittente sui licitas mihi iuris habenas,
- his etiam probat officiis audacia nostra,
- hospita quod socios in tecta recepimus et nunc
- omnes iure pari Felicis iura tenemus
- Felicisque patris gremio coniuncta fouemur [*](453 spirare AD, sperare Mwr. 454 proauis AD, prauis MtW. 455 et delere vult Zechmeister 457 transsoripta D, transcribta A 458 hic fort. dicerer AD, diceret Mur. 462 ambitiosa AD 464 et ubique AD d 468 quid ex q A 469 iacentem A 472 uiuam AD, uiuat Mur. 475 sue A1)
- pignora, quae nostis, quos cernitis et modo in ipsis
174