Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- si totus mundus mihi res priuata fuisset,
- num potior domino foret haec possessio Christo?.
- et quis me tantae uel spe modo possessorem
- praestitit esse rei? quis me rem conpulit istam
- spernere pro Christo, ut Christum mihi uerteret in rem?
- quis nisi tu, semper mea magna potentia, Felix
- peccatis inimice meis et amice saluti?
- tu mihi mutasti patriam meliore paratu, [*]( 418 rector Mwr. adisse A 419 gladia D 420 me meaque D 424 qo A meae scripsi, mea AD, mea est Mur. 425 pariamque D 426 egi coni. Mur. commertia D 427 emi coni. Mur. 439 faenore D ipsum AD, om. Meer. )
- te mihi pro patria reddens. tu carnea nobis
- uincula rupisti. tu nos de labe caduci
- sanguinis exemptos terrae genitalis ab ora
- ad genus emigrare tuum et caelestia magnis
- fecisti spirare animis. tu stemmata nostra
- mutans de proauis mortalibus inter amicos
- caelestis domini et libro signata perenni
- nomina translato mortalis originis ortu
- deleri facies morti, transcripta saluti.
- quid simile his habui, cum dicerer esse senator,
- qualia nunc istic habeo, cum dicor egenus?
- ecce mihi per tot benedicti martyris aulas
173