Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. unus abit missus. nunc mensae grata secundae
  2. fercula ponemus; sed quamuis rursus eandem
  3. diuerso carnem conditam iure feremus.
  4. namque aliud uobis iterum, quod de sue mirum
  5. lusit opus Felix, mira nouitate retexam.
  6. tempore res prior est; sed nostris ante libellis
  7. praeterita, in praesens tempus seruata canetur.
  8. nec refert, quod opus quo sit sub tempore gestum,
  9. unus erit quoniam uariis operator in annis,
  10. qui diuersa facit sanctorum in laude suorum
  11. omnibus in terris rerum miracula Christus.
  12. agricolae quidam de nostris longius oris
  13. Apula trans urbem Beneuentum rura colentes
    14. [*]( 282 me - 288 fides om. AD 284 ista A 285 sesoluat A1 293 malo AD, malum E ecquid scripsi, et quid ADE illic D 294 diuitia A uano D, sua n A, multo E 304 nobis E 811 miracla E 313 appula E ueneuentum AD )
    154
  14. de grege setigero multis a fetibus unum
  15. lactea adhuc tenero pulsantem sumina rostro
  16. excerpsere sibi et curatum tempore multo
  17. pauerunt in nota suem, et coepere paratum
  18. ducere sacratam sancti Felicis ad aulam,
  19. corpore de magno ut multos mactatus egenos
  20. pasceret et saturo gauderet paupere martyr.