Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. at Carthago potens Cypriano martyre floret,
  2. cuius et ore simul profusi et sanguine fontes
  3. fecundauerunt Libyae sitientis harenas.
  4. nec procul inde Vticam conlatis candida massa
  5. martyribus magno uenerandae caedis aceruo
  6. extulit; unus enim benedicti caespitis agger
  7. corpora multa tegens alte caput extulit aruis
  8. et meritis altos testatur monte sepulchri.
  9. inde deo dudum iam fertilis Africa Christo
  10. multiplicat largas tanto de semine fruges
  11. et parit egregios uerboque fideque magistros.
  12. nec minor occiduis effulsit gratia terris.
  13. Ambrosius Latio, Vincentius extat Hiberis.
  14. Gallia Martinum, Delphinum Aquitania sumpsit.
  15. multaque praeterea per easdem largiter oras
    16. [*](127 laetos A, laetus E 128 furos A 130 sexum coni. Mur. uel E, aut A 131 partus abest E, pars habet? A, corpus uel partum habet coni. Mur. quaeritis A, quaerat Mur. quod cum quaerit Osirim Aut ubi coni. Mur. 132 eum] cum Mur. 134 et pater A 136 tria E, trina A trino deus unus nomine coni. Mur. 187 quod sps A 139 habet hic A illa Mur. 141 at J, ast E, atque A, et Mur. Roret AE, gaudet A 143 lybiae ALlE arenas A 145 acerbo A 146 unum A cespitis E 148 alto E 154 delfinum A aquitanica Ad)
    124
  16. semina sanctorum positis diffusa sepulchris
  17. inlustrant totum superis uirtutibus orbem
  18. et toto antiquum detrudunt orbe draconem,
  19. qui genus humanum per nomina mille deorum,
  20. quae tamen ex obitis mortalibus et sibi sumpsit