Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. Romanos bibimus primum te consule fontes
  2. et Latiae accessit Graia Thalia togae,
  3. incipiensque tuis a fascibus omina cepi
  4. fataque debebo posteriora tibi.
  5. ergo lacessitus tandem rescribe roganti
  6. et patria florens sorte, Probine, vale.
    7. v.2.p.270
  1. Torvus aper fulvusque leo coiere superbis
  2. viribus, hic saeta saevior, ille iuba ;
  3. hunc Mars, hunc laudat Cybele. dominatur uterque
  4. montibus ; Herculeus sudor uterque fuit.