Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. me timidum vel te potius dixisse superbum
  2. convenit ? alterius crimen utrumque tenet,
  3. transfluxere dies et, dum scripsisse priorem
  4. paenitet, aeternas itur in usque moras,
  5. sed quid agam ? coepisse vetat reverentia vestri ;
  6. hinc amor hortatur scribere. vincat amor.
  7. fors iuvat audentes prisci sententia vatis.
  8. hac duce non dubitem te reticente loqui ;
  9. audax aut si quid penitus peccasse videbor,
  10. arguar, ingrati non subiturus onus.