Carminum minorum corpusculum
Claudian
Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.
- Fallaces vitreo Stellas componere mundo
- et vaga Saturni sidera saepe queri
- venturumque Iovem paucis promittere nummis
- Cureti genitor noverat Uranius.
- in prolem dilata ruunt periuria patris
- et poenam merito filius ore luit.
- nam spurcos avidae lambit meretricis hiatus
- consumens luxu flagitiisque domum
- et, quas fallacis collegit lingua parentis,
- has eadem nati lingua refundit opes.