Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. O felix heresque tui ! quo solvimur omnes,
  2. hoc tibi suppeditat vires ; praebetur origo
  3. per cinerem, moritur te non pereunte senectus.
  4. vidisti quodcumque fuit ; te saecula teste
  5. cuncta revolvuntur ; nosti quo tempore pontus
  6. fuderit elatas scopulis stagnantibus undas,
  7. quis Phaethonteis erroribus arserit annus,
  8. et clades te nulla rapit solusque superstes
  9. edomita tellure manes : non stamina Parcae
  10. in te dira legunt nec ius habuere nocendi.
  1. Felix, qui Pharias proscindit vomere terras :
  2. nubila non sperat tenebris condentia caelum
  3. nec graviter flantes pluviali frigore Cauros
  4. invocat aut arcum variata luce rubentem.
    5. v.2.p.232
  5. Aegyptus sine nube ferax imbresque serenos
  6. sola tenet ; secura poli, non indiga venti
  7. gaudet aquis, quas ipsa vehit, Niloque redundat :
  8. qui rapido tractu mediis elatus ab Austris,
  9. flammiferae patiens zonae cancrique calentis,
  10. fluctibus ignotis nostrum procurrit in orbem