Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. non ferus accipiter, non armiger ipse Tonantis
  2. bella movet : commune facit reverentia foedus.
  3. talis barbaricas flavo de Tigride turmas
  4. ductor Parthus agit : gemmis et divite cultu
  5. luxurians sertis apicem regalibus ornat ;
  6. auro frenat equum, perfusam murice vestem
  7. Assyria signatur acu tumidusque regendo
  8. celsa per famulas acies dicione superbit.
  9. Clara per Aegyptum placidis notissima sacris
  10. urbs Titana colit, centumque adcline columnis
  11. invehitur templum Thebano monte revulsis.
    12. v.2.p.230
  12. illic, ut perhibent, patriam de more reponit
  13. congeriem vultumque dei veneratus erilem
  14. iam flammae commendat onus, iam destinat aris
  15. semina relliquiasque sui : mirata relucent
  16. limina ; divino spirant altaria fumo,
  17. et Pelusiacas productus ad usque paludes
  18. Indus odor penetrat nares completque salubri
  19. tempestate viros et nectare dulcior aura
  20. ostia nigrantis Nili septena vaporat.