Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. secreto de fonte cadens, qui semper inani
  2. quaerendus ratione latet, nec contigit ulli
  3. hoc vidisse caput : fertur sine teste creatus
  4. flumina profundens alieni conscia caeli.
  5. inde vago lapsu Libyam dispersus in omnem
  6. Aethiopum per mille ruit nigrantia regna
  7. et loca continuo solis damnata vapore
  8. inrorat populisque salus sitientibus errat
  9. per Meroen Blemyasque feros atramque Syenem.
  10. hunc bibit infrenis Garamas domitorque ferarum
  11. Gyrraeus, qui vasta colit sub rupibus antra,
  12. qui ramos ebeni, dentes qui vellit eburnos,
  13. et gens compositis crinem velata sagittis.
  14. Nee vero similes causas crescentibus undis
  15. aut tempus meruit, glacie non ille soluta
  16. nec circumfuso scopulis exuberat imbre.
  17. nam cum tristis hiems alias produxerit undas,
  18. tunc Nilum retinent ripae ; cum languida cessant
  19. flumina, tunc Nilus mutato iure tumescit.
  20. quippe quod ex omni fluvio spoliaverit aestas,