Epistulae imperatorum pontificum aliorum

IUSTINUS AUGUSTUS HORMISDAE PAPAE. Quo fuimus semper et quo sumus studio pro conciliandis sententiis catholicam fidem colentium, ut eodem animo cuncti uenerentur lumen indiuiduum trinitatis, palam fecisse dinoscimur nunc legatum ad uestram beatitudinem ultro ob hoc ipsum dirigentes Gratum u. s. magistrum scrinii, quo remedium tandem reperiatur discordiis uaria certantium, nunc prono libentique suscipientes affectu uiros religiosissimos, quos interuentores unitatis uestra sedes apostolica credidit destinandos.

profecto etenim tamquam ipsam pacem et iucundis eos oculis aspeximus et extensis manibus duximus amplectendos; quin etiam omni intentione ordinauimus, ut uenerabilis ecclesia Constantinopolitana nec non complures aliae uota suscipiant uestra non solum in ceteris sed in auferendis etiam nominibus ex sacris diptychis, quae remouenda maxime postulastis.

uerum nonnullae fuerunt urbes et ecclesiae tam Ponticae quam Asianae ac praecipue Orientales, quarum clerici uel populi omnibus pertemptati minis atque persuasionibus tamen nequaquam flexi sunt, ut tollant antistitum et repellant nomina, quorum apud eos opinio floruit, sed morte uitam duriorem aestimant, si mortuos condemnauerint, quorum gloriabantur uita superstitum. quid igitur faciamus huiusmodi pertinaciae, quae nec dictum audiens exsistit et tormenta in tantum despicit, ut [*]( 232. Dat, a. 520 die 9 Sept. per Ioltannem episcopum; accept. die 30 Nou. Praeter Auellanam hanc epistulam seruauit collectio Dionysio-Hadriana = H. i. e. consensus codicum hl-IO et d2, quos enumeraui p. 83. Edd. Car. P 547; Bar. ad a. 520, 54; Collect. Concil. iam inde a Merlino; Thiel 941 et praeterea editiones Dionysio- Hadrianae. 5 dinoecimur H (exceptis d2h6; ex dinoscimus corr. 7»5 man. 2): dinoscitur Vd2h6 6 ipsud hhWWh1 7 gratum uestrum iuestri h9) magistrum h4h6hsh10 8 repperiatur V atque ex parte H proni H 13 ordinabimus hih2h3h7h10 constantinopolina V 15 cfrtis V 16 dypticiis V (h9 man. 2), dypticis H (dipticiB hsh*, dapticis h4) 17 pontificae h2h5d2 asiae H 19 pertemptaminis hlh6d2 21 eos H: om. V fluruit V 21 mortem H 22 gloriabuntur H (exceptis hsh\'\') 24 dictum V: dictu H, dicto 02 )

nobis quidem uidetur opus esse mollius agendi et clementius. quae si non in tua sanctitudine, iam nec in alio poterunt inueniri. nam neque sanguinis et suppliciorum cupidi, quod dictu etiam graue est, libellum suscepimus neque ut paruo discrimine remaneant imperfecta concordiae desideria, sed ad prorogandam quo possumus ordine coniunctionem membrorum ecclesiae. utrum itaque praestantius erit minorum gratia in totum esse nobis absectas tantas multitudines an concessis exiguis et remissis maiora et omni ratione quaerenda corrigi, ut. quae non licuit per omnia, saltem ex necessariis partibus allegantur?

ueniam itaque nominum postulamus, non Acacii, non utriusque Petri, non Dioscori uel Timothei, quorum uocabula ad nos datae sanctitatis tuae epistolae continebant, sed quos in aliis celebrauit ciuitatibus episcopalis reuerentia et hoc exceptis urbibus, ubi uestrae beatitudinis libellus iam in plenum admissus est, nisi hanc quoque partem beniuolentia statuerit uestra mitius corrigendam.