Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. da testem iudex cum dixerit, audeat ille
  2. nescio quis, pugnos qui vidit, dicere vidi,
  3. et credam dignum barba dignumque capillis
  4. maiorum, citius falsum producere testem
  5. contra paganum possis quam vera loquentem
  6. contra fortunam armati contraque pudorem.
  7. Praemia nunc alia atque alia emolumento note-mus
  8. sacramentorum. convallem ruris aviti
  9. improbus aut campum mihi si vicinus ademit
  10. et sacrum effodit medio de limite saxum,
  11. quod mea cum patulo coluit puis annua libo,
  12. debitor aut sumptos pergit non reddere nummos
  13. vana supervacui dicens chirographa ligni,
  14. expectandus erit qui lites inchoet annus