Saturae
Juvenal
Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.
- scribe, puer, vigila, causas age, perlege rubras
- maiorum leges, aut vitem posce libello,
- sed caput intactum buxo naresque pilosas
- adnotet et grandes miretur Laelius alas,
- dirue Maurorum attegias, castella Brigantum,
- ut locupletem aquilam tibi sexagesimus annus
- adferat, aut longos castrorum ferre labores
- si piget et trepidum solvunt tibi cornua ventrem
- cum lituis audita, pares quod vendere possis
- pluris dimidio, nec te fastidia mercis
- ullius subeant ablegandae Tiberim ultra,
- neu credas ponendum aliquid discriminis inter
- unguenta et corium; lucri bonus est odor ex re
- qualibet, illa tuo sententia semper in ore
- versetur dis atque ipso Iove digna poeta:
unde habeas quaerit nemo, sed oportet habere.
- hoc monstrant vetulae pueris repentibus assae,
- hoc discunt omnes ante alpha et beta puellae.’
- Talibus instantem monitis quemcumque parentem
- sic possem adfari: ‘dic, o vanissime, quis te