Priapeia

Priaepia

Poeta Latini minores, ed. Aemilius Baehrens, Leipzig, Teubner, 1879

  1. Pallas Cecropias tuetur arces,
  2. Delphos Pythius, orbis umbilicum,
  3. Creten Delia Cynthiosque colles,
  4. Faunus Maenalon Arcadumque siluas;
  5. tutela Rhodos est beata Solis,
  6. Gades Herculis umidumque Tibur;
  7. Cyllene celeri deo niuosa,
  8. tardo gratior aestuosa Lemnos;
  9. Hennaeae Cererem nurus frequentant,
  10. raptam Cyzicos ostreosa diuam,
  11. formosam uenerem Gnidos Paphosque;
  12. mortales tibi Lampsacum dicarunt.
  13. ---
  14. Quod sim iam senior meumque canis
  15. Cum barba caput albicet capillis:
  16. Deprensos ego perforare possum
  17. Tithonum Priamumque Nestoremque.