Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- o utinam[*](utinam ut V, ut del.Langen | sim M, sumus V ) nullo te sim visura labore
- ipsam caeruleis squalentem nexibus ornum
- ipsaque pervigilis calcantem lumina monstri:
- contingat bis[*](bis Postgate, Leo, uix V ) deinde mori.' sic fata profugit
- seque sub extremis in moenia rettulit umbris.
- Et iam puniceo regem spes vana[*](vana Maserius, una V ) sub ortu
- extulerat, quantis nox una diremerit undis
- Aesoniden, liberne[*](liberne CT 1 Pius, tiberine V | fretis V, freto C apertis Pius, aperto VC ) fretis iam vultus apertis
- utque prius totum sileat mare. dumque ea longe
- explorare †quaeat†,[*](quaeat V, parat Pius, meat Wagner, possis etiam iuvat, placet, iubet ante ) contra venit Arcas Echion
- dicta ferens, iam Circaeis Mavortis in agris
- stare virum: daret aeripedes in proelia tauros. ---
- et 'vocor en ultro' dixit, 'spesque addidit alas.[*](excidit versus eius fere sententiae: talibus attonitus subita rex institit ira | en ultro M, ultro en V alas Ph. Wagner (cf. Aen. VIII 224), aula V, ausa C, Bon. 2 )
- vos mihi nunc primum in flammas[*](in flammas V, in glebas Ald. ) invertite, tauri,
- aequora, nunc totos aperite et volvite flatus.[*](totos — flatus Loehbach, totas — flammas V )
- exeat Haemonio messis memoranda colono,
- tuque tuum patri in Graium[*](patri in Graium Schenkl (Graios Heinsius), partim graium V, parti Graium C ) da, nata, draconem.
- ipsius aspectu pereant in velleris,[*](in velleris Koestlin, in uellera in V ) ipsa
- terga mihi diros servent infecta cruores.'
- fatur et effusis pandi iubet aequora tauris.
p.178