Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. quid tuus Aesonides? - imus nos, protinus imus
  2. in nemus auriferum et sumptis decernimus armis?
  3. vel tu sola polo tacitis inopina tenebris
  4. labere: quantus ibi deus experiere nec illas
  5. adstiteris impune trabes. an Martia templa
    6. p.129
  6. intemeranda minus, tantum[*](tantum T 1, codd. Burmanni et Pii, tantus V, tacitus C | lucus cod. Pii, C b, luctus VC a ) mihi lucus et agger
  7. quod rudis et sola colimur si gentibus[*](sigentibus V, frigentibus C ) umbra?
  8. est amor et rerum cunctis tutela suarum,[*](suarum Bon. 1, suorum V )
  9. et tibi, magne[*](magne Bon. 2, magna V ) pater, terris donaria certant:
  10. est honor his etiam lucis.[*](lucis Sudhaus, suus, V, suus. ast Bon. 2, suus. anne C | cara V, cf. Hom. II. IV 51 sq., clara C | Mycenes Gronovius, mycenis V ) ego cara Mycenes
  11. culmina, virgineas praeder si Cecropis[*](cecropis M 2, cecropias V ) arces,
  12. iam coniunx, iam te gemitu lacrimisque tenebit
  13. nata querens. metuant ergo nec talia possint.'[*](possint V (cf. 670), poscant Ald. )
  14. Non tulit haec animis, quin longa silentia Pallas
  15. rumperet inridens strepitumque minasque Gradivi.[*](gradiui M, gradiuit V )
  16. 'non tibi Aloidae,[*](Aloidae Bon. 2, aolidae V, Bystonidae C | murmura M, mura V ) quibus haec fera murmura iactes,
  17. non Lapithae, sed Pallas' ait; 'neque ego aegide digna,
  18. nec vocer ulterius proles Iovis, excidat iste
  19. ni tibi corde tumor: lituos miser armaque faxo
  20. oderis et primis adimam tua nomina bellis.