Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. adcelerare iubet; longo nam tuta recessu
  2. puppis et adposita fluvius defenditur urbe.'
  3. Haud mora: prosiliunt, quos nec Riphaea iuventus,
  4. quos nec Hiber aut tota[*](tuta C M T, cod. Bon. ) suis Aurora pharetris
  5. sustineat. stetit explicito prius agmine pubes,
  6. expertique[*](Expertique M 2, Experti quo V | arcusque Bon. 2 ) simul, si tela artusque sequantur.
  7. nec quisquam freta nec patrias iam respicit urbes,[*](urbes M, urbe V )
  8. sed magis ad praesens itur decus. incita cristas
  9. aura quatit, variis floret via discolor[*](decolor C ) armis,
  10. qualis ab Oceano nitidum chorus aethera vestit,
  11. qualibus adsurgens nox aurea cingitur astris.
  12. illos Sole satus tacita maestissimus[*](mestissumus V ) ira
  13. miratur temere adsumptos, nec talia mallet
  14. robora, quam medios hostem subiisse penates.
  15. interea laeto patitur[*](potitur C | cultu V, vultu vulgo, sed cf. Tac. Ann. II 75 fin. ) convivia cultu
  16. et iuxta Aesoniden magno cratere lacessit
  17. nunc sibi monstrantem natos Iovis oraque iuxta
  18. Aeacidum, nunc ingentis Calydonos alumnos;
  19. audit et Alciden infando errore relictum
  20. defletosque duces terraeque marisque labores.