Thebais
Statius, P. Papinius (Publius Papinius)
Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.
- passa virum[*]() subitae vallavit ponte ruinae,
- huc undae coeunt, et ineluctabile caeno
- verticibusque cavis sidit crescitque barathrum,
- iamque umeros, iam colla ducis sinuosa vorago
- circuit: hic demum victus suprema fateri
- exclamat: ‘fluvione — pudet! — Mars inclyte, merges
- hanc animam, segnesque lacus et stagna subibo
- ceu pecoris custos, subiti torrentis iniquis
- interceptus aquis? adeone occumbere ferro [*](demissa ω: dimissa PL.)[*](passa virum Barth: passurum Pω.)
- non merui?’ tandem precibus commota Tonantem
- Iuno subit: ‘quonam miseros, sator inclyte divum,
- Inachidas, quonam usque premes? iam Pallas et odit
- Tydea, iam rapto tacuerunt augure Delphi:
- en meus Hippomedon, cui gentis origo Mycenae
- Argolicique lares numenque ante omnia Iuno —
- sic ego fida meis? — pelagi crudelibus ibit
- praeda feris? certe tumidos supremaque victis
- iusta [*]() dabas; ubi Cecropiae post proelia flammae,
- Theseos ignis ubi est?’ non spernit coniugis aequas
- ille preces, leviterque oculos ad moenia Cadmi
v.2.p.290