Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. nam tibi cum fatis mores natura pudicos
  2. et raras dotes ingeniumque dedit.
  3. hoc ego Pegasidas deduxi primus ad undas,
  4. ne male fecundae vena periret aquae;
  5. primus id aspexi teneris in virginis annis,
  6. utque pater natae duxque comesque fui.
  7. ergo si remanent ignes tibi pectoris idem,
  8. sola tuum vates Lesbia vincet opus.
  9. sed vereor, ne te mea nunc fortuna retardet,
  10. postque meos casus sit tibi pectus iners,
  11. dum licuit, tua saepe mihi, tibi nostra legebam;
  12. saepe tui iudex, saepe magister eram:
  13. aut ego praebebam factis modo versibus aures,
  14. aut, ubi cessares, causa ruboris eram.