Metamorphoses

Ovid

Ovid. Die Metamorphosen des P. Ovidius Naso, Volume 1-3. Magnus, Hugo, editor. Gotha, Germany: F.A. Perthes. 1892-1919.

  1. nec, quo centimanum deiecerat igne Typhoea,
  2. nunc armatur eo: nimium feritatis in illo est.
  3. Est aliud levius fulmen, cui dextra Cyclopum
  4. saevitiae flammaeque minus, minus addidit irae;
  5. tela secunda vocant superi. Capit illa, domumque
  6. intrat Agenoream. Corpus mortale tumultus
  7. non tulit aetherios donisque iugalibus arsit.
  8. Imperfectus adhuc infans genetricis ab alvo
  9. eripitur, patrioque tener (si credere dignum est)
  10. insuitur femori maternaque tempora complet.
  11. Furtim illum primis Ino matertera cuuis
  12. educat: inde datum nymphae Nyseides antris
  13. occuluere suis lactisque alimenta dedere.
  14. Dumque ea per terras fatali lege geruntur
  15. tutaque bis geniti sunt incunabula Bacchi,
  16. forte Iovem memorant, diffusum nectare, curas
  17. seposuisse graves vacuumque agitasse remissos
  18. cum Iunone iocos et “maior vestra profecto est,
  19. quam quae contingit maribus” dixisse “voluptas.”
  20. Illa negat. Placuit quae sit sententia docti