Art of Love

Ovid

Ovid, 43 B.C.-17 or 18 A.D, creator; Ehwald, Rudolf, 1847-1927, editor; Merkel, Rudolf, 1811-1885, editor

  1. Nec nos ambitio, nec amor nos tangit habendi:
  2. Contempto colitur lectus et umbra foro.
  3. Sed facile haeremus, validoque perurimur aestu,
  4. Et nimium certa scimus amare fide.
  5. Scilicet ingenium placida mollitur ab arte,
  6. Et studio mores convenienter eunt.
  7. Vatibus Aoniis faciles estote, puellae:
  8. Numen inest illis, Pieridesque favent.
  9. Est deus in nobis, et sunt commercia caeli:
  10. Sedibus aetheriis spiritus ille venit.
  11. A doctis pretium scelus est sperare poetis;
  12. Me miserum! scelus hoc nulla puella timet.
  13. Dissimulate tamen, nec prima fronte rapaces
  14. Este: novus viso casse resistet amans.
  15. Sed neque vector equum, qui nuper sensit habenas,
  16. Comparibus frenis artificemque reget,
  17. Nec stabiles animos annis viridemque iuventam
  18. Ut capias, idem limes agendus erit.
  19. Hic rudis et castris nunc primum notus Amoris,
  20. Qui tetigit thalamos praeda novella tuos,