Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Nunc temere insimulas credendoque omnia frustra
  2. Ipsa vetas iram pondus habere tuam.
  3. Adspice, ut auritus miserandae sortis asellus
  4. Adsiduo domitus verbere lentus eat!
  5. Ecce novum crimen! sollers ornare Cypassis
  6. Obicitur dominae contemerasse torum.
  7. Di melius, quam me, si sit peccasse libido,
  8. Sordida contemptae sortis amica iuvet!