Amores
Ovid
Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.
- Quis Veneris famulae conubia liber inire
- Tergaque conplecti verbere secta velit?
- Adde, quod ornandis illa est operata capillis
- Et tibi perdocta est grata ministra manu —
- Scilicet ancillam, quae tam tibi fida, rogarem!
- Quid, nisi ut indicio iuncta repulsa foret?
- Per Venerem iuro puerique volatilis arcus,
- Me non admissi criminis esse reum!