Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. roges, tuom labore quid iuvem meo,
  2. inbellis ac firmus parum?
  3. comes minore sum futurus in metu,
  4. qui maior absentis habet:
  5. ut adsidens inplumibus pullis avis
  6. serpentium adlapsus timet
  7. magis relictis, non, ut adsit, auxili
  8. latura plus praesentibus.
  9. libenter hoc et omne militabitur
  10. bellum in tuae spem gratiae,
  11. non ut iuvencis inligata pluribus
  12. aratra nitantur meis
  13. pecusve Calabris ante Sidus fervidum
  14. Lucana mutet pascuis