Odes

Horace

Horace, creator; Shorey, Paul, 1857-1934, editor; Laing, Gordon Jennings, 1869-, joint editor; Laing, Gordon Jennings, 1869-1945, joint editor

  • submovere litora,
  • parum locuples continente ripa;
  • quid quod usque proximos
  • revellis agri terminos et ultra
  • limites clientium
  • salis avarus? pellitur paternos
  • in sinu ferens deos
  • et uxor et vir sordidosque natos.
  • nulla certior tamen
  • rapacis Orci fine destinata
  • aula divitem manet
  • erum. quid ultra tendis? aequa tellus
  • pauperi recluditur
  • regumque pueris nec satelles Orci
  • callidum Promethea
  • revexit auro captus; hic superbum
  • Tantalum atque Tantali
  • genus coercet, hic levare functum
  • pauperem laboribus
  • vocatus atque non vocatus audit.