Odes

Horace

Horace, creator; Shorey, Paul, 1857-1934, editor; Laing, Gordon Jennings, 1869-, joint editor; Laing, Gordon Jennings, 1869-1945, joint editor

  • Non ebur neque aureum
  • mea renidet in domo lacunar,
  • non trabes Hymettiae
  • premunt columnas ultima recisas
  • Africa neque Attali
  • ignotus heres regiam occupavi
  • nec Laconicas mihi
  • trahunt honestae purpuras clientae.
  • at fides et ingeni
  • benigna vena est pauperemque dives
  • me petit: nihil supra
  • deos lacesso nec potentem amicum
  • largiora flagito,
  • satis beatus unicis Sabinis.
  • truditur dies die
  • novaeque pergunt interire lunae:
  • tu secanda marmora
  • locas sub ipsum funus et sepulcri
  • inmemor struis domos
  • marisque Bais obstrepentis urges