Adelphi

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. O Ctesipho.
Ct.
  1. O Syre, Aeschinus ubi est?
Sy.
  1. Ellum, te exspectat domi.
Ct.
  1. Hem.
Sy.
  1. Quid est?
Ct.
  1. Quid sit? illius opera, Syre, nunc vivo: festivum caput,
  2. Qui omnia sibi post putavit esse prae meo commodo;
  3. Maledicta, famam, meum amorem, et peccatum in se transtulit:
  4. Nihil pote supra. Quidnam foris crepuit?
Sy.
  1. Mane, mane: ipse exit foras.
AESCHINUS. SANNIO. CTESIPHO. SYRUS.
Aes.
  1. Ubi ille est sacrilegus?
Sa.
  1. Men quaerit? numquidnam effert? Occidi:
  2. Nihil video.
Aes.
  1. Ehem, opportune; te ipsum quaero. Quid fit, Ctesipho?
  2. In tuto est omnis res: omitte vero tristitiam tuam.
Ct.
  1. Ego illam hercle vero omitto qui quidem te habeam fratrem. O mi Aeschine,
  2. O mi germane; ah, vereor coram in os te laudare amplius,
  3. Ne id assentandi magis quam quo habeam gratum facere existimes.
Aes.
  1. Age inepte; quasi nunc non norimus nos inter nos, Ctesipho.
  2. Hoc mihi dolet, nos paene sero scisse, et paene in eum locum
  3. Redisse ut si omnes cuperent nihil tibi possent auxiliarier.
Ct.
  1. Pudebat.
Aes.
  1. Ah, stultitia est istaec, non pudor. Tam ob parvulam
  2. Rem paene ex patria!—Turpe dictu. Deos quaeso ut istaec prohibeant.
Ct.
  1. Peccavi.
Aes.
  1. Quid ait tandem nobis Sannio?
Sy.
  1. Iam mitis est.
Aes.
  1. Ego ad forum ibo ut hunc absolvam: tu intro ad illam, Ctesipho.
Sa.
  1. Syre, insta.
Sy.
  1. Eamus; namque hic properat in Cyprum.
Sa.
  1. Ne tam quidem;
  2. Quamvis etiam maneo otiosus hic.