Truculentus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Celabat metuebatque te, ne tu sibi persuaderes,
  2. ut abortioni operam daret puerumque ut enicaret.
Din.
  1. Tum pol isti ést puero pater Babyloniensis miles,
  2. quoius núnc ista adventum expetit.
Ast.
  1. Immo ab eo ut nuntiatumst,
  2. iam hic adfuturum aiunt eum. nondum advenisse miror.
Din.
  1. Ibo igitur intro?
Ast.
  1. Quippini? tam audacter quam domum ad te;
  2. nam tu quidem edepol noster es etiam nunc, Diniarche.
Din.
  1. Quam mox te huc recipis?
Ast.
  1. Iam hic ero: propest, profecta quo sum.