Rudens

Plautus, Titus Maccius

Plautus. Leo, Friedrich

  1. O scirpe, scirpe, laudo fortunas tuas,
  2. qui semper servas gloriam aritudinis.
Charm.
  1. Equidem me ad velitationem exerceo,
  2. nam omnia corusca prae temore fabulor.
Labr.
  1. Edepol, Neptune, es balineator frigidus:
  2. cum vestimentis postquam aps té abii, algeo.
Charm.
  1. Ne thermipolium quidem ullum ínstruit,
  2. ita salsam praehibet potionem et frigidam.
Labr.
  1. Vt fortunati sunt fabri ferrarii,
  2. qui apud carbones adsident: semper calent.
Charm.
  1. Vtinam fortuna nunc anetina úterer,
  2. ut quom exiissem éx aqua, arerem tamen.
Labr.
  1. Quid si aliquo ad ludos me pro manduco locem?
Charm.
  1. Quapropter?
Labr.
  1. Quia pol clare crepito dentibus.