Scholia in Pindarum Olympian Odes
Scholia in Pindarum
Scholia in Pindarum. Scholia Vetera in Pindari Carmina, Volume 1. Drachmann, A.B., editor. Leipzig: Teubner, 1903.
ποικιλοφόρμιγγος ἀοιδᾶς: ὅτι αἰτία τοῦ ποικίλλειν [*]() τὴν φόρμιγγα.
a. ὑψηλοτάτων: τῶν Ὀλυμπιακῶν λέγει.
b. μάρτυρα [*]() δὲ ἀντὶ τοῦ ἑρμηνέα.
a. ξείνων δ᾿ εὖ πρασσόντων: τῶν φίλων εὖ πρασσόντων [*]() τὴν ἀγγελίαν τὴν περὶ αὐτῶν γλυκεῖαν οὖσαν ἱλαρῶς οἱ ἀγαθοὶ προσδέχονται καὶ ἀφθόνως.
b. ἔσαναν: ἐχάρησαν. ἡ μεταφορὰ ἀπὸ τῶν σαινόντων κυνῶν τοὺς ἰδίους δεσπότας.
c. ξείνων δ᾿ εὖ πρασσόντων: ξείνων, φίλων. [*]()
d. ἔσαναν ἀντὶ τοῦ ἐχάρησαν, ἀπὸ τῶν σαινόντων ζώων. [*]()
e. ἤτοι δὲ τὸ ἑξῆς· προσέσαναν τὴν ἀγγελίαν· ἢ, πρὸς τὴν ἀγγελίαν ἔσαναν καὶ ἐχάρησαν.
f. ἡ δὲ διάνοια· πρὸς τὴν τῶν εὖ πρασσόντων φίλων ἀγγελίαν ἐχάρησαν οἱ ἀγαθοί.