Scholia in Pindarum Olympian Odes

φώνασε δ᾿ εὕδεις: εἶπε παραστᾶσα κατ᾿ ὄναρ [*]() αὐτῷ ἡ θεός· κοιμᾶσαι, ὦ βασιλεῦ, ὃς κατάγεις τὸ γένος ἀπὸ Αἰόλου;[*]()

a. ἄγε φίλτρον τόδε: τὸν χαλινὸν, ὅτι τούτῳ οἱ [*]() ἵπποι πείθονται. πικρότερον δὲ τῇ μεταφορᾷ.

b. ἄγε δὴ [*]() οὖν δέχου τοῦτον τὸν χαλινὸν, ὅς ἐστι πεῖσμα καὶ φίλτρου αἴτιος τοῖς ἵπποις, καὶ τῷ δαμάζοντι Ποσειδῶνι, τῷ πατρί σου, θύων ταῦρον εὐθαλῆ καὶ μέγαν, οὕτως ἐπίδειξον αὐτόν.

[*]()a. καὶ δαμαίῳ: τῷ δαμαστικῷ· ἵππιος γὰρ ὁ θεός. [*]()

b. ἢ δαμαῖος λέγεται Ποσειδῶν ἐν Κορίνθῳ ἀπὸ τῆς τῶν ἵππων δαμάσεως.