Scholia in Pindarum Olympian Odes

d. γράφεται καὶ οὕτως· ἦ θαυματὰ πολλά· ἀντὶ [*]() τοῦ ὄντως θαυμαστὰ καὶ ἄξια θαύματος.

e. γράφεται [*]() θαυματά, ἀντὶ τοῦ θαυμαστά. γράφεται δὲ καὶ θαύματα πολλά.

a. καὶ πού τι καὶ βροτῶν φάτις: τὸ σαφές· [*]() καὶ δὴ οἱ λόγοι εἰσὶ τῶν ἀνθρώπων, φησὶν, οἵτινες ποικίλων λόγων τεχνάσμασιν εἰς τὸ ἀπατῆσαι τοὺς ἀκούοντας πεποικιλμένοι ὑπὲρ τὸν ἀληθῆ λόγον, ἐξαπατᾶν δύνανται.

b. ἔνιοι δὲ φάτιν, ἀντὶ τοῦ τὰς φρένας τῶν ἀνθρώπων ἀπατῶσιν οἱ ψευδεῖς λόγοι.[*]()